Hüt schrieb ich mal Schwiizerdütsch. Denn Schwiizerdütsch schient bald z'verschwinde, wenn das so wiiter goht. Zürich isch regelrecht vo Dütsche überschwemmt worde! In der Regel han ich nüd gege "Schwabinskis", wie ich sie nenn. Ich kenn es paar Dütschi, wo ganz nett sind. Und ich bin ja eigentlich au en halbe dur min Vater (han aber de Schwiizer Pass). Aber mängmol wirds mir eifach zviel.

Öb im Tram oder Bus, bim Dokter oder im Läbesmittellade: Überall nur no Dütschi! Und wenn ich ich über de Chat neui Lüüt kennelern, stellt sich zu 90% usse, dass sie au us Dütschland sind. Meischtens merk ich das, wie sie schrieben oder wenn sie Schwiitzerdütsch gar nöd lese chönnt/verstöhnt. Letschhin bin i vo me Chundedienscht am Telefon ufgforderete worde, Hochdütsch zrede. Und im Gschäft genau sglich: S'Neu Jumbo-Layout hät e Dütschi Agentur entworfe und sind nur am meckere, wie mir layouten (z.B. "Die verwendeten Farben sind zu muffig"). Und letschti a de Bushaltistell händ sogar (Schwiizer) Lehrer mit de Schüeler Hochdütsch gredet.

Dütschi chönnt eifach recht arrogant si und wüssen alles besser. Mir sind ja nur die bünzlige Schwiizer, wo studierti Lüüt wie sie bruchen. Will ja nöd rassistisch si und es betrifft sicher nöd alli Dütsche, aber momentan isch mir das eifach alles chli zviel.